ஒவ்வொரு குழந்தைக்கும் தனது வாழ்வை மேம்படுத்திக்கொள்ள தனது தாய்மொழி கற்க வாய்ப்புகள் இருக்க வேண்டும். இன்றைய உலகில் வெளிநாட்டில் வாழும் தமிழ் குடும்பங்களில் பல குழந்தைகள் இந்த வாய்ப்பு ஏதும் இன்றி வளர்கிறார்கள். 

 

பாரதி தமிழ்ப்பள்ளியில் இளைய தலைமுறையினருக்கு அதாவது குழந்தைகளுக்கானத் தமிழ் வகுப்புகள் நடைபெற்று வருகின்றன.  'மொழியின் எல்லையே சிந்தையின் எல்லை' என்பதற்கு இணங்க பேசுதல், எழுதுதல், வாசித்தல் என்ற மொழியின் அடிப்படை நிலைகளைக் கருத்தில் கொண்டு தமிழ் மொழி பயிற்றுவிக்கப்படுகிறது. குழந்தைகளின் பிறமொழிச் சூழலைப் புரிந்து, பொறுமையாகவும் இனிமையாகவும் வகுப்புகள் நடத்தப்படுகின்றன.